Me mbërritjen e Covid-19 në vendin tonë u ngrinë të gjitha udhëtimet ajrore dhe detare, teksa udhëtimi tokësor bëhej përmes autorizimeve, teksa me lehtësimin e masave ka ndryshuar.
Mbrëmjen e djeshme, ministrja e Shëndetësisë Ogerta Manastirtliu u pyet në ‘Opinion’ se përse porti i Vlorës vijon të qëndrojë i mbyllur për transportin e mallrave, ndërkohë që transporti duhet të bëhet nga Durrësi.
Manastirliu u shpreh se porti i Vlorës po qëndron i mbyllur, pasi lidhet me portin e Ancona-s, dhe sipas ministres, Ancona është një vatër e nxehtë për shkak të kornavirusit.
Pjesë nga biseda
Blendi Fevziu: Përse porti i Vlorës, qëndron akoma i mbyllur për transportin e mallrave, ndërkohë që duhet t’i bëjmë transportet nga Durrësi?
Ogerta Manastirliu: Jemi duke bërë një vlerësim sepse Ancona ka qenë një zonë më e prekur dhe ka qenë një vatër më e madhe e infeksionit. Thjesht për çështjen e infeksionit sepse porti i Vlorës është i lidhur me portin e Ancona-s, ndërsa i Durrësit është i lidhur me Barin. Bari nuk është një zonë shumë e prekur.
https://www.dailymotion.com/video/x7tpmgs
Por sa e vërtetë është kjo deklaratë?
Ditën e sotme, Dosja.al raporton se pas hulumtimeve ka zbuluar se porti i Durrësit është ai qe ka lidhje me Barin, Anconan dhe Triesten, ndërsa ai i Vlorës lidhet me Brindisin.
Por, ky nuk është gabimi i vetëm i Manastirliut, sepse përsa i përket situatës së vatrës së nxehtë për shkak të koronavirusit, Ancona nuk është një nga vendet më të prekura në Itali pasi janë shënuar 1,819 raste me koronavirus, shumë më pak se në Milano, Torino, Brescia dhe Bergamo, ku janë shënuar përkatësisht 20,254, 13, 916, 13,122 dhe 11,538 të infektuar.
Rastet sipas zonave në Itali
