Më 27 prill qyteti i Durrësit u trondit nga një ngjarje tragjike, ku u ekzekutuan dy vëllezërit Viktor dhe Besmir Haxhia në zonën e Nishtullës.
LEXO: Ekzekutimi i 2 vëllezërve në Durrës: Policia shoqëron 30 persona, ja pistat ku po hetohet
Policia fal gabimeve të autorëve të ngjarjes arrestoi dy persona dhe shpalli në kërkim dy të tjerë.
LEXO: “Takohemi dhe e sqarojmë muhabetin”! Gabimi që nxorri zbuluar ekzekutuesit e dy vëllezërve në Durrës
Njëri prej tyre, Klevis Alla, ka pranuar të bashkëpunojë me drejtësinë e të rrëfejë detaje nga ngjaja për hetuesit, duke deklaruar se Besmir Haxhinë e kanë ekzekutuar për modifikimin e një makine të vjedhur, ndërsa të vëllanë për të mos lënë dëshmitarë.
“Ne jemi një grup që merremi me vjedhje makinash dhe i dërgonim për t’i modifikuar tek servisi i Dorjan Shkozës dhe vëllezërve Haxhia. Me Besmirin jemi prishur për një konflikt që patëm për një makinë. Besmiri nuk na i dha paratë e një makine siç kishim rënë dakord. I kërkuam paratë por Besmiri nuk na i dha. Me Viktorin nuk kemi patur probleme, por qëlluam për të mos lënë dëshmitarë”, ka deklaruar Klevis Alla para policisë.
Mbështetur edhe nga dëshmia e të riut, hetuesit kanë zbuluar se shkak për ekzekutimet në 2 muajt e fundit janë bërë 5 milionë eurot e grabitura në Rinas, që sipas Allës, vëllezërit Haxhia kanë strehuar në banesë një nga grabitësit e Rinasit.
Së fundmi, Dosja.al ka zbardhur detaje nga jeta e Klevis Allës.
22-vjeçari nuk ka pasur precedentë të mëparshme, por nisur nga jeta që ai pasqyron në rrjetet sociale duket një djalë i dhënë pas pushimeve në det, krudove, birrave dhe pokerit.
Shumë prej postimeve të të riut i dedikohen bizhozit, si edhe makinave luksoze dhe darkave me verë e peshk në bregdet.
Madje në shumë nga postimet, ai mburret për origjinën shqiptare, teksa shkruan se në Shqipëri janë ‘BOSS’-at e vërtetë: “Shqiptarët nuk thonë se këtu ka ‘BOSS’-a, por që janë ‘BOSS’-at e vërtetë,”- shkruhet në foton e një prej postimeve.
E megjithatë, i riu ndonëse ka bashkëpunuar me kriminelë dhe ka vjedhur makina, duket të jetë edhe besimtar, pasi në rrjetet sociale ka postuar edhe foto nga Kisha e Laçit.
Kujtojmë këtu se të shtunën Gjykata e Durrësit dha masën e sigurisë “Arrest me burg” për Klevis Allën dhe Altin Ndocin, të cilët akuzohet për vrasjen e vëllezërve Haxhia, Dorian Shkozës dhe Anxhelo Avdisë.
