Vijojnë polemikat se Covid-19 ka qarkulluar në vendin tonë më herët seç kanë raportuar autoritetet, pra me herët se 9 marsi, madje teza e fundit thotë se ka qarkulluar që në janar.
Fillimisht, mjeku Gëzim Xhepa dhe imazheristi Renato Osmenaj deklaruanse koronavirusi ka qenë prezent në Shqipëri që në janar.
Ata kanë publikuar grafitë e mushkërive të disa pacientëve dhe sipas tyre janë trajtuar në spitalin Infektiv që në muajin e parë të vitit.
LEXO: 2 mjekët tregojnë grafitë: Koronavirusi ka qarkulluar në Shqipëri që në janar (FOTO)
Së fundmi, këto dyshime janë përforcuar nga opozita, teksa ish-deputeti i PD Bardh Spahia ka publikuar disa të dhëna që sipas tij tregojnë se Covid-19 ka qarkulluar që në janar në vendin tonë.
Duke iu referuar të dhënave të sitemit Alert për rastet e gjendjeve virale me temperaturë të lartë deri në 2 mars 2020, Spahiu shkruan në Facebook se për më shumë se gjysmën e pacientëve që kanë kërkuar ndihmë në QSUT, tamponët kanë nxjerr se simptomat kanë qenë “jo grip stinor”.
Sipas tij, nga tamponët e realizuar në këta pacientë me gjendje febrile, plot 62.5% rezulton jO grip stinor, ndërsa kujton raportimet mediatike për fluks e rradhë të gjata në spital aso kohe.
SHKRIMI I PLOTË – TABELAT:
TJETER FAKT SE COVID-19 ESHTE PIKASUR NE JANAR NE SHQIPERI
Ja një tjetër fakt që provon dyshimet e forta se Covid-19 është shfaqur që në Janar. Shikoni tabelat zyrtare të sistemit alert për rastet e gjendjeve virale me temperaturë të lartë deri në 2 Mars 2020. Të gjithë i mbajmë mend edhe raportimet mediatike për fluks e rradhë të gjata jo vetëm në QSUT. Nga tamponët e realizuar në këta pacientë me gjendje febrile, plot 62.5% rezulton JO grip stinor? Po atëherë cfarë është kjo gjendje me temperaturë të lartë e simptoma të ngjashme me gripin, por e ekzaminuar si JO grip? Natyrisht që nuk duhet të jesh mjek që t’i përgjigjesh kësaj pyetjeje! Por pyetja më e madhe është se cfarë ka bërë ISHP dhe autoritetet e tjera shëndetësore dhe qeveritare përballë asaj pyetjeje? Nuk e kanë vrarë mendjen të zbulojnë se cfarë është ai lloj virusi me simptoma aq të spikatura? Neglizhencë nga paaftësia? Apo dikush u ka mbyllur gojën dhe kanë vazhduar si të mos kishte ndodhur gjë, edhe pse pasojat e Covid-19 në Kinë ishin headlines botërore?
Përsëris thirrjen drejtuar mjekëve, që bëjnë pjesë në komitetin e ekspertëve, që të shprehen mbi këto fakte që dalin për ditë! Ka qenë paaftësi apo bindje e verbër politike?
