Teksa situata nga Covid-19 në vendin tonë po shkon drejt përmirësimit, qeveria ka vendosur të lehtësojë gradualisht masat kufizuese, teksa 3 datat e reja të heqjes të një sërë kufizimesh janë 4, 11 dhe 18 maj.
LEXO: “3 të hënat që hapin Shqipërinë”, Rama publikon planin: Nga hapja e qendrave estetike tek lokalet
Mbrëmjen e sotme mjeku infeksionist Pëllumb Pipero, në një lidhje me Skype për ‘Zonë e lirë’ u shpreh se ky është momenti i duhur për lehtësimin e masave, pasi edhe ecuria e epidemisë ka rënë, teksa e vlerësoi si një vendim me efekt të shumëfishtë në aspektin psikologjik, ekonomik dhe shëndetësor.
Unë besoj që hapja apo lehtësimi i masave po shkon në mënyrë proporcionale me ecurinë e epidemisë në vendin tonë. Ky është një lajm shumë i mirë dhe ka një efekt të shumëfishtë. Unë mendoj se është momenti më i mirë për lehtësimin e masave, ndonëse ka javë që ka nisur. Por, besoj se vendimi i mkarrë nga qeveria për të vazhduar me lehtësimin e masave është lajm shumë i mirë dhe indikatorët klinikë e lejojnë këtë gjë. Besoj është masë racionale dhe e domosdosshme”.
Mirëpo, ndonëse karantinimi, në një kohë kur nuk është krijuar ende vaksina, është parë si mënyra më e mirë për mbrojtjen e njerëzve, fatkeqësisht ka sjellë rëndim të gjendjes psikologjike, madje shumë njerëz nëpër botë i ka shtyrë drejt vetëvrasjes.
Këtë gjë e ka konfirmuar edhe doktor Pipero, i cili thotë se depresioni dhe stresi janë rritur, dhe rrjedhimisht i çojnë njerëzit drejt këtyre akteve ekstreme.
“Ka shumë fakte se për shkak të depresionit dhe stresit kemi shumë vetëvrasje dhe madje kanë filluar nisma për të bërë konsultime online me qytetarët që janë të izoluar, në mënyrë që t’iu japin këshilla për të larguar stresin, madje edhe viktima. Më besoni se është e vështirë të arrihet numri i lartë. Unë besoj se ka një lloj prirjeje që në rrethana të caktuara ndodh. Por, mund të jetë edhe gjenetike.Po ashtu, janë rritur edhe divorcet.”
