Tre persona të maskuar dhe të armatosur, grabitën mbrëmjen e djeshme një banesë në fshatin Qinam të Zall Herrit në Tiranë.
Vajza e familjes Zeja, e cila flinte në katin e dytë me djalin 6 vjec, ka rrëfyer për “News 24” momentet e tmerrit.
Ajo shprehet se babain me vëllanë dhe nënën i lidhën dhe i dërguan në kat të parë, ndërsa atë së bashku me djalin e ruante një person i gjatë dhe i dobët.
Më tej vazja shton se grabitësi që ndodhej lartë dha urdhër që të vrisnin babanë e saj, por bashkëpunëtorit të tij iu bllokua arma, kur po fuste plumbat.
“Babin e shtrinë përtokë sa hapi derën, pasi ata kërkuan ta hapnim derën se ishte bërë një denoncim sikur ne kishim qëlluar me armë. Kur kam hapur derën e dhomës e kam parë vëllain kur e shtrijnë në tokë, e bashkojnë me babin në katin e parë pastaj. Mua më mbajtën në katin e dytë bashkë me djalin. Ishte një person më i gjatë dhe më i dobët ai që më ruante mua. Mua nuk më kanë prekur se isha me djalin. Ata i bënin thirrje babit të tregonte armën, ai i tha të kontrollojnë se nuk kishte armë. Personi që ishte lart i thotë vrite babin, por ai poshtë e kishte pas kallashin të mbushur dhe kur tenton t’i fusë përsëri fishekë i bllokohet”,- tregon ajo.
Ndër të tjera ajo shprehet se grabitësi, të cilët u hoqën si policë, i kanë marrë telefonat, mjetet e identifikimit dhe një sasi parash.
Sapo grabitësit janë larguar, ajo ka njoftuar policinë me një telefon që e mbante në dhomën e gjumit.
