Policia ka arrestuar dy autorë të dyshuar për vrasjen e vëllezërve Besmir dhe Viktor Haxhia në Nishtulla të Durrësit pak ditë më parë.
Ata janë K.A. 22 vjeç nga Durrësi dhe Altin Ndoci me banim në Tiranë.
Ky i fundit u shoqërua në Tiranë për kundravajtje pasditen e djeshme, ndërsa bashkëpunëtori i tij në Durrës ishte arrestuar më parë.
Ka qenë 22 vjeçari, i cili ka folur përpara hetuesve dhe ka treguar emrat e grupit.
Kjo vrasje lidhet me atentatin e dy marsit në Durrës në Shkozet, ku mbetën të vrarë Dorian Shkoza dhe Anxhelo Avdia.
Të dy atentatet lidhen me prishjen e pazareve të drogës.
Sipas “News24”, vëllezërit Haxhia ishin trafikantë të brendshëm, por sillnin drogën edhe nga jashtë.
Ata ishin bashkëpunëtorë me Dorjan Shkozën e Anxhelo Avdian që u vranë më 2 mars, attentat cili dyshohet se u krye nga të njëjtët autorë.
Grupi kriminal ishte në vëzhgim prej kohësh nga Policia dhe falë dëshmisë së 22-vjeçarit K.A., u bë e mundur zbardhja e ngjarjes.
Ndërkohë policia po punon për kapjen e dy personave të tjerë të dyshuar si të përfshirë në këtë grup kriminal.
