Kryeministri Edi Rama ka realizuar së fundmi një lidhe live në Facebook, duke i kthyer përgjigje zërave kritikë që vijnë si pasojë e masave të vendosura për koronavirusin, për të cilët u shpreh se kritikat e vazhdueshme janë të pabaza, ndërsa shtoi se Shqipëria është vendi me numrin më të ulët të viktimave.
Rama theksoi se rezultatet e “luftës” ndaj pandemisë janë pozitive.
“E kam pasur bindjes gjithmonë që së bashku do ja dalim bashkë. Lexoj shqetësime reale qe përpiqem ti adresoj dhe padyshim lexoj edhe dokrra. Fyerjet dhe akuzat i kam ditur që do të shtohen, ju kam thënë më bini mua sa të doni por mos luani me zjarrin. Ndërkohë që po hapim çdo ditë e më shumë është shqetësuese se po flitet pa lidhje. E keni me mua s’ka asnjë problem, ku lidhen gjithë ato fjalë pa lidhje me rezultatin që kemi arritur deri këtu? Shqipëria me vendin më të ulët të përdorimit të respiratorëve. Si mendoni ju që shani dhe mallkoni, si kemi arritur deri këtu me këto masa? Mendoni se Covidi i ka marrë më të mirë shqiptarët se janë trima dhe ta japin në lule të ballit po u dole përballë? Jo more miq, janë falë masave të marra, janë falë atyre njerëzve që kanë mbështetur plotësisht strategjinë e ndjekur. Hip se të vrava zbrit se të vrava… a thua se i ka futur njeri me zor në faqen time të “Facebook”. Unë këtu jam për të komunikuar me ju për çdo lloj gjëje. Jeni në vete apo jo? Jeni në vete apo i keni lëshuar pëllumbat?”
Po ashtu, kryeministri ka bërë thirrje për kujdes, duke u shprehur se kemi rezultate shumë të mira dhe se duhet të jemi shumë të kujdesshëm.
“Miq ne nuk kemi ardhur kot deri këtu, dhe nëse i kemi 3 rezultatet kryesore të kësaj lufte, numrin e shtretërve, vdekjeve, dhe pacientët e intubuar, mes jetës dhe vdekjes, por kjo s’na bën të pranojmë se virusi ka ikur. Ai është rrotull nesh sapo nxjerrim kokën nga shtëpia. E dini që e kemi hapur aktivitetin ekonomik më shumë se sa vendet e tjera.Le të mos e bëjmë si lopa, kur thotë populli”.
Më herët ditën e sotme ministrja Ogerta Manastirliu njoftoi lehtësimin e një sërë masash, teksa duke nisur nga java e ardhshme do shtohen edhe zonat e gjelbërta.
Po ashtu, ministrja bëri me dije se prej datës 11 maj do të lehtësohen një grup tjetër biznesesh, siç janë parukeritë, berberë, dentistë dhe dyqanet në qendra tregtare, të cilat do të hapen me protokolle rigoroze sigurie.
Ndërsa, nga 18 maji e në vazhdim do të vlerësohet hapja e njësive të shërbimit si bare dhe restorante, vetëm për mjediset e hapura.
LEXO: Ja kur do të hapen parukeritë, berberët dhe dentistët. Po me lokalet dhe restorantet ç’do ndodhë?
https://www.facebook.com/edirama.al/videos/257371572071076/
