Prej disa ditësh ka bërë bujë deklarata e ish-ministrit të Shëndetësisë, Ilir Beqaj, i cili bëri një propozim të çuditshëm mbi përballimin e krizës së shkaktuar nga Covid-19, ku kërkoi uljen e rrogave të punonjësve të administratës dhe pensioneve.
Kjo deklaratë u shoqërua me debate të shumta, teksa së fundmi, disa pensionistë, të prekur nga ky propozim, kanë dërguar një letër satirike, të shkuar nga Kujtim Hazbiu në Dosja.al me disa propozime “për të nderuar” deputetin e Partisë Socialiste.
Pensionistët shkruajnë se duan t’i bëjnë një bust deputeit dhe për shpenzimet do të përdorin tarifën ekstra që po marrin në kohë pandemie.
Duke vijuar me ironinë e tyre, të moshuarit shkruajnë se “do t’i dhurojnë” një udhëtim jashtë shtetit dhe kontroll shëndetësor, të gjitha me shpenzimet e tyre.
Ata luten që ta shpërblejnë Beqajn për të mirat që ai ka bërë për vendin dhe për ta personalisht, duke i kërkuar që pas të mirës së fundit mos ta harrojnë por të vazhdojë e të mendojë për ta.
Kujtojmë se, ditën e djeshme kryeministri Edi Rama tha se kjo nuk do të ndodhë dhe se pensionet dhe pagat e administratët do mbeten të pandryshueshme.
LEXO: Ulje pagash dhe pensionesh për të përballuar Covid-19? Flet Rama, vendimi për univesitetet nesër
LETRA E PLOTË:
Jemi një grup pensionistësh. Na ndihmoni duke bërë publike një gëzimin tonë nga më të paimagjinueshmit për gjithë jetën tonë. Ne pensionistët kishim kohë që po mendonim ku t’i çonim lekët që na tepronin nga pensioni çdo muaj. Më thonë të drejtën s’kemi pasur besim në as një bankë. Po Zoti vonon por nuk harron ia na solli shokun Ilir Beqja si shpëtimtarin tonë. Jemi shumë të gëzuar për këtë dhuratë të madhe. Ne kishim dëgjuar për këtë shok, për heroizmat e tij në interes të qytetarëve shqiptarë kurrë nuk e kemi besuar që ky do të ishte edhe shpëtimtari ynë. Lavdi Zotit për këto vlera që kemi në parlamentin shqiptar. Nisur nga ky nder i madh që na bëri shoku Beqja ne pensionistët kemi vendosur:
1 – Ju bëjmë thirrje skulptorëve më të mirë të Shqipërisë për t’i bërë një bust në sheshin “Skënderbej”. Financimi nga pensionistët. 2 – Me 300 lekë e shtesë së pensionit t’i sponsorizojmë një udhëtim jashtë shtetit çift me charter. Marrim përsipër edhe shpenzimet e xhamave mbrojtës nëpër resorantet ku do ushqehet se larg qoftë. 3 – Grupi i pensionistëve që ka përfituar nga ndihmat për koronavirusin të sponsorizojë nga një pako makarona dhe 1/2 vaj sa për të kaluar ca kohë. 4 – Ju bëjmë thirrje të gjithë pensionistëve që kanë fituar ndonjë tender nëse duan të sponsorizojnë tek mjekët një vizitë falas për shokun Beqja se ka pak pasoja nga propozimi më i madh i shekullit që ka bërë gjithashtu të sponsorizojnë edhe ilaçet se na duket se deri tani kanë qënë të skaduara dhe largqoftë ndikojnë keq. Nuk gjejmë fjalë për ta uruar zotin Beqaj por si vlerë e madhe që është i kemi lënë Zotin ta shpërblejë. Ndihmoje o Zot, mbylli gojët e liga për këtë ëngjëll që se zë gjumi për popullin e sidomos për ne pensonistët, ndihmoje o Zot. Kurrë mor bir nuk na shkonte mendja që do ishe kaq vlerë e madhe intelektuale, të lutemi qëndroji propozimit tënd që edhe ne të flemë rehat se mirë gjithë ai pension po 300 lekë e fundit ku t’i çojmë se larg qoftë marrin vesh kriminelët e na vrasin. Të lumtë zoti Beqaj që qanë ditë natë për ne ta shpërbleftë Zoti në familjen tënde. Ishalla zoti nuk vonon! Urime biri jonë e vazhdo mendo për ne.
