Sikundër është vepruar që nga goditja e vendit tonë nga pandemia, edhe kjo fundjavë do jetë e bllokuar për lëvizjen e mjeteve personale dhe këmbësorëve, por këtë herë me disa ndryshime.
Kryeminsitri Rama ka publikuar detajet në Facebook në lidhje me mënyrën se si do të lëvizet gjatë fundjavës, ku bën me dije se pensionistët do të lejohet të lëvizin përveç të shtunës, dhe të dielën deri në orën 10:00.
Të gjithë të tjerët duhet të qëndrojnë në shtëpi gjatë kësaj fashe orari sipas tij.
Nga ana tjetër, prindërit këtë fundjavë mund të lëvizin me fëmijë deri në 14 vjeç nga ora 11:00 deri në 17:30 të shtunë dhe të dielë, dhe ndryshe nga më parë nuk do të mbyllen ushqimoret, të cilat do të qendrojnë hapur deri në orën 17:30.
Mirëpo, të dielën do të jetë gjithçka mbyllur, teksa në të dyja ditët ndalohet qarkullimi me makina private.
“Të shtunën 2 maj dhe të dielën 3 maj, pensionistët do të lejohen të dalin lirisht deri në orën 10.00. Të gjithë të tjerët në shtëpi brenda kësaj fashe orare. Të shtunën 2 maj dhe të dielën 3 maj, prindërit me fëmijët deri në 14 vjeç do të lejohen të dalin lirisht nga ora 11.00 deri në orën 17.30. Të shtunën 2 maj do të qëndrojnë hapur vetëm ushqimoret dhe farmacitë deri në orën 17.30. Të dielën të gjitha mbyllur Gjatë të shtunës 2 maj dhe të dielës 3 maj do të ndalohet kategorikisht qarkullimi i automjeteve private. Kujdes! Nga sjellja e duhur në distancimin social dhe zbatimi i rregullit bazë të mosgrumbullimit jashtë qelizës familjare gjatë fashës orare të lëvizjes këtë fundjavë, varet ecuria e mëtejshme pozitive e kësaj lufte deri këtu të zhvilluar shkëlqyeshëm, po edhe vendimmarrja jonë për më tej. *Ministrja e Shëndetësisë, Ogerta Manastirliu, do t’ju informojë sot planin e hapjes së mëtejshme deri në 18 maj”, shkruan Rama.
https://www.facebook.com/edirama.al/posts/10157708237076523
