Qyteti i Durrësit, por jo vetëm, është tronditur ditën e djeshme nga një ngjarje tragjike, ku vëllezërit Viktor dhe Besmir Haxhia janë ekzektuar me armë zjarri në zonën e Nishtullës.
Dy të rinjtë kanë përshkruar rrugën nga Universiteti “Aleksandër Moisiu” për në tregun e makinave në qytet, ku edhe janë qëlluar me breshëri kallashnikovi nga ana e atentatorëve.
Deri tani policia ka shoqëruar mbi 40 persona si dëshmitarë të ngjarjes, një pjesë e të cilëve mësohet të jenë banorë të zonës, teksa një nga pistat ku po hetohet për motivin e vrasjes së dy vëllezërve është ajo e dhënies së makinave me qira, biznes nën pronësinë e Besmirit.
LEXO: Ekzekutimi i 2 vëllezërve në Durrës: Policia shoqëron 30 persona, ja pistat ku po hetohet
Ditën e sotme gazetari investigative Artan Hoxha ka zbardhur detaje të reja rreth kësaj ngjarje, duke deklaruar se hetuesit kanë gjetur një mesazh në telefonat e viktimave në Durrës, që mund t’i çojë direkt te autorët, por nuk dha detaje se për çfarë mesazhi bëhet fjalë.
“Në Durrës janë 2 vëllezër, njëri nga ta është prind, janë djemtë e vetëm të shtëpisë, janë edhe 3 motra. U goditën në moshë të re. Te kjo pista e përgjimeve një element që ka dalë, është një mesazh që është kapur ne telefonate viktimave që janë duke u kontrollura. Ky mesazh dyshohet të jetë një indicie që mund të çojë direkt drejt autorëve”, tha Hoxha.
Hoxha shtoi se autorët kanë qenë të përgatitur dhe i kanë vëzhguar dy vëllezërit, duke studiuar lëvizjet e tyre.
“Të dhënat tregojnë se autorëte janë përgatitur. Çdo atentat ka një kosto sepse janë mjetet që do të përdorësh, automjeti që ti djeg. Dikush është paguar për këtë. Dje një nga elementët që po kërkohet te kamerat e sigurisë, është fakti nëse autorët kanë pasur edhe bashkëpunëtorë të tjerë. Edhe në rastin konkret meqenëse vëllezërit kanë qenë të izoluar, janë goditur pasi kanë dalë nga servisi. Atentatorët kanë pasur informacione të saktë për lëvizjet e tyre. Aty nuk ka shumë kamera sigurie. Janë sekuestruar më shumë se 8 kamera. Po kërkohet për drejtimet nga ka lëvizur automjeti. Në rastin konkret nuk është gjetur makinë e djegur. Kjo e bën më të vështirë”.
Sipas Hoxhës një pistë që po hetohet nga policia është një makinë e modifikuar në servisin e tyre për trafik narkotikësh, e cili është kapur në Itali dhe kjo është një e dhënë për implikim në trafikimin e lëndëve narkotike, teksa tregoi se sipas hetimeve viktimat e kanë ndaluar vetë makinën, çka hedh dyshime se ata mund të kenë pasur njohje me autorët.
