Pas burgut 313-të, një tjetër vatër është shënuar te paraburgimi i 302 në Tiranë, pasi 11 persona kanë rezultuar të infektuar me koronavirus.
Mes të arrestuarve të prekur mësohet të jenë dhe disa prej anëtarëve të dosjes 339, si Altin Avdyli dhe Hekuran Hoxha, raporton Report Tv.
Altin Avdyli dhe Hekuran Hoxha mbahen të izoluar në dy burgje të ndryshme, përkatësisht 313 dhe 302, por takimi i tyre në sallën e gjyqit në 23 prill, duke se ka sjellë infektimin e Hekuran Hoxhës.
Mësohet se takimi është zhvilluar gjatë një seance gjyqësore pranë Gjykatës Kundër Korrupsionit dhe Krimit të Organizuar, ku Altin Avdyli, që ka qenë fillimisht i infektuar, ka transferuar virusin edhe tek Hekuran Hoxha.
Ky i fundit, nga ana tjetër, pas përfundimit të seancës gjyqësore është kthyer në qeli, ku ka infektuar shokët e qelisë së tij dhe disa persona të tjerë që mbahen të izoluar brenda në katin e dytë të burgut 302 në Tiranë.
Pas këtij konstatimi i gjithë kati i dytë i burgut 302 në Tiranë, po mbahen në izolim dhe monitorim me qëllim mospërhapjen e virusit Covid-19.
Nga ana tjetër kujtojmë se te burgu 311 janë regjistruar 19 persona të infektuar.
