Ditën e sotme një i burgosur në burgun 313 ka rezultuar pozitiv me Covid-19.
Sipas informacioneve paraprake, bëhet fjalë për një 42-vjeçar nga Italia me iniciale G.C, i arrestuar në vitin 2018 nga forcat RENEA për trafikimi të lëndëve narkotike.
Mësohet se ai po qëndron në paraburgim në pritje të procesit gjyqësor, ndërsa aktualisht është karantinuar larg të burgosurve të tjerë, teksa nuk dihet ende se si është gjendja shëndetësore e të infektuarit.
E FUNDIT/ Koronavirusi prek burgjet shqiptare, shënohet rasti i parë në burgun 313
Mbrëmjen e sotme të burgosurit në burgun 313 janë revoltuar dhe kanë shpërthyer në ulërima dhe në videon e publikuar nga Dosja.al dëgjohen zërat e ‘kokave të krimit’, të cilët bërtasin me fjalët “Rama ik”, dhe “Mbyte…mbyte”.
Nuk dihet se çfarë mund t’i ketë revoltuar të burgosurit, por mund të lidhet me identifikimin e të burgosurit Italian me koronavirus.
Kujtojmë që në këtë burg ndodhen disa prej kokave më të rrezikshme të bandave në Shqipëri, si Emiljano Shullazi, me anëtarët e grupit të rrugës së Kavajës, banda e Bajrëve të Shkodrës dhe Altin Avdyli i njohur si ‘Niçja’.
