Ka mbërritur avioni i dytë brenda ditës nga Italia me shqiptarë që kanë kërkuar të riatdhesohen dhe nga Roma kanë ardhur 132 shtetas shqiptarë, ndërsa gjatë paradites 98 persona të tjerë erdhën nga Bari.
Pas kontrollit në aeroport, udhëtarët do të dërgohen me autobusë në Durrës ku edhe do të duhet që të karantinohen për 14 në një nga hotelet e zgjedhura nga qeveria.
Shqiptarët u kthyen në atdhe me të njëjtin avion që dërgoi në Itali, ekipin mjekësor prej 60 mjekësh dhe infermierësh.
Sakaq, Ministria e Infrastrukturës dhe Energjisë ka publikuar oraret dhe vendet nga ku do të kryhen fluturimet për riatdhesimin e shqiptarëve për ditët në vijim.
Në datën 21 prill do të jenë fluturimet Tiranë-Frankfurt dhe Frankfurt-Tiranë, në datën 22 Prill do të jetë fluturimi Tiranë-Londër dhe Londër-Tiranë ndërsa në datën ndërsa në datën 23 Prill do të jetë fluturimi Tiranë-Paris dhe Paris-Tiranë.
Si bëhet aplikimi:
Fillimisht çdo emigrant që dëshiron të kthehet në atdhe duhet të rezervojë për 14 ditë hotelin në Shqipëri.
Pasi është bërë rezervimi i hotelit, qytetari do të marrë një kod personal dhe përmes këtij kodi do të hyjë sërish në faqen e “Air Albania” ku do të bëjë dhe aplikimin dhe për biletën e ardhjes.
Personat që do të aplikojnë sot, do të vijnë të shtunën në atdhe.
Në karantinë në Durrës qëndrojnë për 14 ditë, ku 2/3 e shpenzimeve i paguan shteti, ndërsa qytetarët do të paguajnë 100 euro biletën dhe cdo ditë nga 7 euro për qëndrimin në hotel.
