Ndonëse karantina është parë si mënyra më e sigurtë për momentin për mbrojtjen e njerëzve nga koronavirusi, jo të gjithë kanë patur mundësi të izolohen.
Një pjesë e konsiderueshme e popullsisë ka humbur punën për shkak të mbylljes së biznesit dhe urdhrit për të qëndruar mbyllur të aktivitetit.
Por, nga ana tjetër, shumë njerëz kanë mundur të punojnë nga shtëpia gjatë pandemisë, e shumë të tjerë nuk kanë mundur duke vijuar punën si zakonisht, si për shembull fasoneritë, apo sektori i ndërtimit, duke u ekspozuar çdo ditë ndaj virusit.
Occupational Information Network ka publikuar së fundmi disa të dhëna rreth profesioneve më të rrezikuara, sigurisht përveç bluzave të bardha.
Rezultati për çdo profesion mbështetet në vlerësimin e të dhënave që lidhen me tre aspekte fizike të punës, të përfshira në databazën e punësimit.
- Kontakti me të tjerët/ Sa kërkon kjo punë që punonjësi të jetë në kontakt me të tjerët, në mënyrë që ta kryejë?
- Afërsia fizike / Në çfarë mase kjo punë kërkon që punonjësi ta kryejë aktivitetin në afërsi fizike me të tjerët?
- Ekspozimi ndaj sëmundjeve dhe infeksioneve / Sa shpesh kjo punë e ekspozon punonjësin ndaj kushteve të rrezikshme?
Dy nga këto profesione më të rrezikuara janë shoferët e autobusëve dhe kasierët – të dyja kërkojnë që punonjësit të jenë në afërsi fizike me të tjerët dhe shërbimet që këta individë ofrojnë janë thelbësore, pavarësisht rreziqeve, shumë kanë punuar gjatë kësaj periudhe.
OIN i ka grupuar në tre kategori profesionet sipas ekspozimit ndaj Covid-19:
Rrezik të lartë: Dentistët dhe të gjithë të tjerët që duhet të kenë kontakte me njerëzit.
Rrezik të mesëm: Shoferët e autobusëve, janë më pak të ekspozuar, por janë përballë rrezikut sepse ndeshen me njerëz të shumtë.
Rrezik të ulët: Ekonomistët dhe gjithë të tjerët që nuk kanë kontakte me të tjerët dhe mund të punojnë individualisht
