Ndryshe nga sa ishte parashikuar, këtë javë kurba ka qenë e paqëndrueshme duke pësuar herë rritje dhe herë rënie.
Ditën e sotme u regjistruan 14 raste, të reja 7 prej të cilave në Krujë ku në total janë 18 të infektuar.
Zv.ministrja e Shëndetësisë Mira Rakacolli, në konferencën për shtyp teksa bëri me dije përditësimin e fundit u pyet nga gazetarët nëse rastet kishin lidhje me fasonerinë, por ajo nuk u përgjigj duke u shprehur se qytetarët mund të infektoheshin kudo.
Së fundmi, ABC News.al ka mësuar se 7 rastet e reja me koronavirus në Krujë kanë lidhje me fasonerinë e mbyllur dy ditë më parë dhe të infektuarit e rinj janë të të njëjtës fabrikë, ku u shfaqën edhe rastet e mëparshme.
Gjashtë prej tyre janë femra, ndërsa vetëm një është mashkull i moshës 65-vjeçare dhe gjithashtu mësohet se 4 prej tyre jetojnë në zona rurale dhe 3 jetojnë në qytet.
Kujtojmë se katër rastet e para në fasoneri, u konfirmuan dy ditë më parë, ku tre prej tyre ishin punonjëse dhe një ishte i biri i njërës prej të infektuarve.
Ditën e djeshme, edhe Laçi shënoi rastet e para, ku pesë gra nga Fushë-Miloti, Fushë-Mamurrasi dhe Mali i Bardhë, të cilat punonin në fasoneri rezultuan gjithashtu pozitive dhe pas shërthimit të infektimit, fasoneria u mbyll.
Shqetësues mbetet fakti se në Shqipëri fasoneritë kanë vijuar punën dhe nuk dihet se do bëhen shkak për raste të reja infeksioni.
