Pas një lufte të gjatë e tragjike, më në fund Italia po merr frymë, pasi ditët e fundit numri i viktimave dhe të infektuarve është ulur.
Mirëpo, dita e sotme ka supriza sepse duket se numri i viktimave ka rënë dhe është rritur ai i të prekurve.
Gjatë 24 orëve të fundit 552 persona kanë humbur jetën, nga 578 viktima që u regjistruan dje, teksa janë shënuar 3,786 raste të reja nga 2, 667 të infektuar që u raportuan ditën e djeshme.
Kështu, numri i të vdekurve në total është 22, 170, ndërsa numri i të infektuarve 168, 941.
Italia vazhdon të mbetet vendi i dytë në botë më i prekur nga koronavirusi, pasi në vendin e parë është SHBA me 653,099 të infektuar dhe 33,394 viktima.
Disa ditë më parë qeveria italiane njoftoi ndryshimin e strategjisë për luftën ndaj COVID-19, duke miratuar një plan me 5 pika:
- Distancim social,
- mjete mbrojtëse për të gjithë spitale COVID në të gjithë territorin kombëtar,
- përforcim i rrjeteve shëndetësore lokale,
- studim për të kuptuar sa janë prekur dhe
- një aplikacion, si modeli i Koresë së Jugut, për të verifikuar kontaktet e personave të infektuar.
Sakaq, më 10 prill, kryeministri Conte lajmëroi zgjatjen e izolimit deri në 3 maj, duke u shprehur se masat e marra kanë dhënë fryte, por nuk duhet të rrezikojnë, duke çuar në rritjen e numrit të viktimave.
Dekreti i ri/ Italia e “kyçur” deri më 3 maj, Conte: “Nuk mund të rrezikojmë më shumë”
Ndërkohë, Italia ka vendosur që të aplikojë të shumëpërfolurin “testim masiv” që në disa vende ka dhënë rezultat pozitiv, duke arritur të izolohet virusi që po tmerron botën.
Italia i provon të gjitha armët kundër COVID-19: Nis “pasaportat e imunitetit”
Sakaq, ditën e djeshme ka nisur kryerjen e testimeve serologjike në një mostër prej 150 mijë personash të identifikuar në shkallë kombëtare dhe të ndarë sipas profilit të punës, gjinisë dhe grupmoshave.
Ndër vendet më të prekura nga koronavirusi: Itali ndërmerr hapin e rëndësishëm
