Ditën e sotme Kuvendi është mbledhur në një seancë të jashtëzakonshme, ku po diskutohen ndryshimet në kodin penal përsa i përket situatës së krijuar nga COVID-19.
Një nga propozimet e përgatitura nga mazhoranca, është edhe dënimi me burg për ata që përhapin sëmundjen.
Drafti është kundërshtuar me forcë nga deputetët e opozitës në Parlament, të cilët kanë debatuar me kreun e Kuvendit.
Deputeti Myslim Murrizi është shprehur se ndryshimet janë në shkelje të Kushtetuës, ndërsa opozitës nuk i është dhënë hapësira kohore e nevojshme.
“Rendi i ditës na është thënë dje në orën 1. Të gjitha projektet ligjet nuk mund të kalojë dy javë para u shqyrtuar. Keni prurë kodin penal në mënyrë sekrete , propozuar nga një doktoreshë, pastaj rimenduar nga dy juristë, pa asnjë lloj afati të përcaktuar në nenin 69 të rregullores. E keni mbështetur atë në nenin 28 me projektiligjin e përshpejtuar. Neni 28 e ka të ndaluar atë që përcakton neni 81, që ligjet të futen në kuvend me procedurë të përshpejtuar, përveç gjendjes së jashtëzakonshme. Nuk e di se çfarë iu nxit që të miratoni këtë kod? Ky kod ka 25 vite që arnohet që ti vijë mirë dhe ti rëndohet ana nga krahu i tij. Nëse për një çështje do të vendoset afat kohor do të isha dakord por për 23 pika të vendoset afat kohor është e papranueshme. Koha duhet të ndahet për pozitën dhe opozitën. Nëse vazhdohet kështu atëherë parlamenti do të kthehet në kohën e Haxhi Lleshit ku vihet vetëm për të duartrokitur, u shpreh Murrizi.
I të njëjtit mendim ka qenë edhe deputeti Kujtim Gjuzi, i cili është shprehur se Aktet Normative të nxjerra nga kryeministri Edi Rama, janë në shkelje të Kushtetutës.
Ndërsa deputeti i LSI, Ralf Gjoni, tha se amendamenti është futur në Parlament tinëzisht, për të trajtuar shqiptarët si kriminelë.
Më tej ai shtoi se deputetja e PS, Edlira Bode është keqpërdorur nga mazhoranca.
Ralf Gjoni: Futja vjedhurazi në një mënyrë tinëzare duke keqpërdorur një nga deputetet më të mira mjeke, zonja Bode, nga më të korrektet dhe një nga njerëzit më me integritet. Keqpërdorimi i një zonje të nderuar zoti kryetar, keqpërdorimi që po i bëhet një zonje kolege, grua në këtë Kuvend, për të ndryshuar kodin penal dhe për t’i trajtuar shqiptarët si kriminelë…
Ruçi: Zoti deputet mos spekulo të lutem. mos spekulo me kërkesën për të folur për procedurë. a ka mundësi të më dëgjoni? Kërkuar të flsnin për procedurë por folët në kundërshtim me të. Kam respekt për arsimimin tuaj dhe për mënyrën se si artikuloheni. Amendimet janë sipas të gjitha rregullave, dhe është diskutuar në mënyrë transparente në Komisionin e Ligjeve dhe ju keni qenë prezentë. Zonja Hysi do të flasë sepse është profesoreshë, jo unë e ti…
Për më shumë info lexoni këtu.
