Një 71 vjeçare ka arritur që të dalë nga intubimi dhe të marrë frymë pa ndihmën e respiratorit.
E moshuara ishte shtruar në spitalin “Shefqet Ndroqi” dhe prej dy javësh ndodhej në terapi intensive.
Edhe pse vuante nga sëmundje bashkëshoqëruese, ajo ka arritur që të kalojë në frymëmarrje natyrale.
Deri më tani, asnjë pacient që ka kaluar në terapi intensive dhe intubim, nuk e ka fituar betejën me COVID-19.
Numri i të prekurve në vendin tonë është 467, në mesin e të cilëve 232 të shëruar dhe 24 viktima.
Në spitalin Infektiv ndodhen 43 persona, 7 në terapi intensive, ku dy janë intubuar.
Ndërsa në spitalin “Shefqet Ndroqi” ndodhen 9 pacientë, 7 prej të cilëve në terapi intensive, ku 5 janë intubuar.
