Në një kohë kur jemi përballë një virusi të panjohur dbe bluzat e bardha nuk kanë ende një vaksinë për ta luftuar, si zgjedhja më e mirë për tu mbrojtur është parë karantinimi.
Pas viktimës së parë me koronavirus në vendin tonë, stafi mjekësor i spitalit të Durrësit hyri në karantinë të detyruar.
Ndër personat që u izoluan ishte edhe sanitarja e kompanisë “Sanitary Cleaning sh.p.k”, Luljeta Kapreli, e cila pasi rezultoi negative në testin e Covid-19, u rikthye në punë.
Mirëpo, Kapreli konstatoi se menaxherja e kompanisë Sofie Xhaferi i kishte mbajtur pagën, ndonëse ajo ishte karantinuar me detyrim.
Këtë gjë sanitarja e ka denoncuar në emisionin investigativ “Stop”, i cili bëri publik rastin.
E kontaktuar nga emisioni “Stop”, Xhaferi u shpreh se punonjësja nuk i kishte paraqitur raport dhe si pasojë nuk mund të paguhej.
Mirëpo, u deshë këmbëngulja e emisionit dhe sanitares që menaxherja të binte dakord që t’i japë Kaprelit pjesën e munguar të parave.
