Ditën e sotme janë shpërndarë këstet e para të ndihmës ekonomike të parashikuar nga qeveria, për zbutjen e pasojave të shkaktuara nga COVID-19.
Deri më tani janë shpërndarë këstet për 9 mijë e 506 punonjës të mbetur të papunë, ndërsa 1 mijë e 195 të tjerë janë në proces verifikimi.
Ndihma financiare është miratuar për 6 mijë e 273 biznese dhe 10 mijë e 701 punonjës.
Këto ndahen në 4174 në Tiranë, 1253 në Korçë, 1037 në Durrës dhe 206 në Lezhë.
Që nga 1 prilli, kanë aplikuar 36 mijë e 419 biznese, ku numri më i lartë ka qenë më 2 prill me 12 mijë e 826 aplikime dhe më i ulëti më 5 prill me vetëm 223 aplikime.
Gjithashtu kanë aplikuar për ndihmën ekonomike prej 26 mijë lekësh në muaj 61 mijë e 229 punonjës.
Deri më tani janë verifikuar 8412 biznese dhe 14.517 punonjës, ku numrin më të lartë e mban Tirana me 5 mijë e 192 verifikime, ndjekur nga Durrësi me 1 mijë e 379 verifikime, Fieri me 1073 dhe Dibra me 315.
Aktualisht janë verifikuar 24 % e aplikimeve, ndërsa iu është refuzuar kërkesa 7512 punonjësve.
