Kryeministri Edi Rama ka zhvilluar ditën e sotme një mbledhje virtuale me drejtuesit e bankave në Shqipëri, për të diskutuar masat për përballimin e krizës së shkaktuar nga COVID-19.
Pjesë e mbledhjes ishin edhe Guvernatori i Bankës së Shqipërisë, Gent Sejko dhe ministri Arben Ahmetaj.
Shefi i qeverisë bën me dije se u ka dhënë urdhër drejtorëve të bankave, që të vënë në lëvizje instrumentin e garancisë, për të pagat e punonjësve që nuk shkojnë dot në punë.
Më tej ai premtoi se paketa financiare do të zgjerohet gjatë muajit prill.
Pak javë më parë Rama prezantoi planin ekonomik për të kaluar krizën ekonomike të shkaktuar nga COVID-19.
Pikat e planit të prezantuar nga shefi i qeverisë ishin:
2.5 mld lekë (20 mln euro) për Ministrinë e Shëndetësisë për luftën në vijën e zjarrit për pajisje dhe mbështetje për personelin mjekësor
10 mld lekë (80 mln euro) përmes garancisë sovrane për kompanitë që kanë vështirësi objektive për pagat e punonjësve
6.5 mld lekë (53 mln euro) për nevojat imediate për shtresat në nevojë për biznesin e vogël dhe papunësinë e mundshme
2 mld lekë (16 mln euro) për ministrinë e Mbrojtjes për operacionet humanitare
1 mld lekë (8 mln euro) për qeverinë për cdo urgjencë të paparashikuar
Fshirja përgjithmonë e kamat-vonesave për debitorët aktivë të energjisë familjarë apo biznes i vogël me efekt 15 mld lekë (120 mln euro) do të përfitojnë 211024 abonentë
Riskedulim në gjashtë mujorin e dytë të 2020 dhe në vijim tatim fitimin për të gjithë biznesin nga fasha nga 2-14 mln lekë xhiro.
Gjithashtu kryeministri tha se do të shkurtohen rrogat e deputetëve dhe anëtarë të Këshillit të Ministrave.
Ndërkohë që nga dita e sotme, bizneset duhet të plotësojnë formularin, për të përfituar pagën mujore 250.
Ndihma për bizneset/ Nga 1 prilli nisin aplikimet, ja kategoritë që përfitojnë 26 mijë lekë në muaj
