Një mjek 57-vjeçar në Itali ka ndërruaj jetë për shkak të koronavirusit.
Përpara se të infektohej, ai punonte në spitalin e Codognos, një nga vatrat e koronavirusit në shtetin fqinj.
Marcello Natali u shtrua në spitalin e Cremonas, para se të transferohej në Milano, pasi vuante nga pneumonia e dyfishtë.
Në një nga intervistat e fundit për “Euronews”, ai tha se kishte punuar pa doreza, pasi kishin mbaruar.
Më tej mjeku shtoi, se në Codogno dhe Casale 14 nga 35 mjekë janë vetëkarantinuar ose ndodhen në spital.
Paola Pedrini, sekretarja e Federatës së Përgjithshme të Praktikantëve tha se 110 doktorë nga 600 në provincën e Bergamos janë të infektuar.
“Situata është përkeqësuar që prej fundit të shkurtit. Ne morëm disa maska, disa doreza dhe asgjë tjetër. Një maskë që duhet të zgjasë 1 ditë e gjysmë, ne e përdorim për një javë”, u shpreh ajo.
Të mërkurën në Itali ndërruan jetë 475 persona, duke e çuar numrin e vdekjeve në 2978, ndërsa janë konfirmuar pozitiv rreth 36 mijë raste.
Shumë shtete europiane kanë vështirësi në sigurimin e maskave mjekësore dhe dezinfektuesve për shkak të numrit të lartë të blerjeve, si pasojë e panikut nga koronavirusi.
