Ditën e sotme Ministria e Shëndetësisë raportoi se numri i të infektuarve në vendin tonë ka shkuar në 59 persona, teksa u shënua një tjetër viktimë.
Në këto kushte pyetjet e qytetarëve janë të shumta, por ajo që të gjithë duam të dimë është se çfarë po ndodh me 28 të shtruarit në Spitalin e Infektivit?
Për këtë ka folur së fundmi mjeku infeksionist Tritan Kalo, i cili në një intervistë për ABC News u shpreh se të infektuarit janë në gjendje të stabilizuar shëndetësore.
“Kemi 28 të sëmurë në Spitalin e Infektivit dhe tre janë në gjendje të agravuar, por fatmirësisht jo deri në rrezik. Është e rëndësishme të kujtojmë që po bëhet një lloj vetëflijimi nga personeli mjekësor sepse ka prindër që po sakrifikojnë përballë Coronavirusit. Reagimi i makroorganizimit tonë nuk është i njëjtë, gjithashtu edhe përgjigja terapike nuk është e njëjtë te individët”.
Me çfarë po mjekohen të infektuarit?
Mjeku infeksionist tha se çdo vend aplikon në përputhje më të dhënat ato medikamente që i gjykon se mund të jenë të efektshme.
“Edhe në Kinë eksperiencat janë të ndryshme nga një klinikë në tjetrën. Dozat e mjekimit nuk janë të njëjta sepse varen nga produkti bazë. Protokolli bazë ka dy preparate. (Oksilizimabi është përdorur si një preparat që vepron mirë me artritin dhe ndikon mirë në mekanizmat inflamatorë që ndodhin në majisjen e mushkrive dhe në pjesë të tjera të organzimit). Ndërsa të tjerët përveç suportit duke mbajtur në ekuilibër sëmundjet bazë dhe duke i kombinuar më këto preparatë të bëjnë të mundur në kohëzjgjatjen 10 ditore të mbajnë këtë kontroll dhe komunikim. Preparatet që kanë dhënë rezultate në Kinë po përdoren edhe në Itali. Epidemiologët janë ato që marrin të dhënat dhe bëjnë studimet. Është vështirë që SARS COV 2 ta rëndojë gjendjen”, u shpreh ai.
Kalo foli edhe rreth viktimës së dytë që humbi jetën, për të cilin u shpreh se kishte sëmundje të pashërueshme.
“Nëse vijnë nga zona të kuqe me infeksion maksimal, nëse kanë pasur kontakt më të sëmurin, nëse kanë qënë në spital duhet t’ja bëjnë me dije mjekut , për shkak se një gjë e tillë është fshehur dhe ka sjellë infektime te tjera. Në këtë pandmei të madhe më të rrezikuar janë personeli mjekësor.
Kalo tha se asnjëri nga mjekët e prekur nuk është i shtruar dhe se në terapi intesive janë vetëm tre persona.
“59 është numri në Spitalin Infektiv sot. Kanë virusin por nuk kanë tablonë kimike. Të sëmurëve i kemi përcaktuar qartë se nëse kanë më të voglën shenjë, me vështirësi në frymëmarrje, duhet të njoftojnë. Mund të ndodhë një përhapje infeksioni në të gjithë organizmin me temperstura të ulëta. Rëndësi ka të shohim se sa oksigjen është në gjendje organizmi të marrë”, u shpreh ai.
