Italia po përjeton momente kritike për shkak të koronavirusit, teksa numri i të prekurve ka shkuar në 31.506, nga të cilët 2941 janë shëruar, ndërsa 2503 kanë ndërruar jetë.
Presidenti Mattarella firmosi mbrëmjen e djeshme dekretin “Cura Italia”, i cili i hap rrugë fondit prej 25 miliardë eurosh në ndihmë të bizneseve, shkollave dhe familjeve.
Autoritetet italiane kanë paralajmëruar masa edhe më të rrepta, nëse deri të dielën, numri i të prekurve nuk zbret.
Sipas mediave italiane, brenda 24 orëve janë regjistruar 3526 raste të reja.
Numri i të prekurve është rritur në Europë dhe në botë, ku tashmë koronavirusi ka goditur 50 shtetet amerikane, Spanja shënon 11 mijë raste, Gjermania 8 mijë raste dhe Mbretëria e Bashkuar 2 mijë raste.
Në Kinë është dita e dytë, që regjistrohet vetëm 1 rast i ri.
Ndërkohë është shëruar përsoni i parë, me ilaçin eksperimental Remdesivir.
