Pas mbylljes së kufijve për shkak të koronavirusit, 17 shqiptarë kanë mbetur të bllokuar në Spanjë.
“News24” raporton se shqiptarët kishin shkuar me pushime në Madrid.
Ata kërkojnë ndihmën e e shtetit shqiptar për t’u kthyer në atdhe.
Ambasada shqiptare në Madrid ndërkohë nuk u ka dhënë asnjë përgjigje.
Në Spanjë numri i të prekurve nga koronavirusi ka shkuar në mbi 11 mijë, ndërsa janë regjistruar edhe 491 viktima.
Në rang global janë regjistruar 200.106 raste, 8010 viktima dhe 82.813 të shëruar.
Pas Kinës, Italia është vendi më i prekur me mbi 2500 viktima dhe mbi 26 mijë të prekur.
Në vendin tonë ndërkohë numërohën 55 të prekur dhe dy viktima.
