Deri tani Gjermania ka dhënë një shembull shumë të mirë në luftën ndaj Coronavirusit, teksa janë regjistruar 4,599 të infektuar dhe vetëm 9 viktima.
Dhe një ndër masat që ka ndihmuar në menaxhimin e situatës është fakti se nga fillimi i prekjes nga COVID-19 deri tani mjekët u kanë bërë thirrje sistematikisht njerëzve që të bëjnë tamponin(testin për Coronavirusin).
Si po e ndalon Gjermania përhapjen e Coronavirusit? Mjekët po bëjnë të kundërtën e vendit tonë
Qeveria gjermane ka miratuar paketën më të madhe të ndihmës ekonomike të Gjermanisë, me vlerë 550 miliardë euro për kompanitë e ndryshme, duke iu ofruar atyre kredi për të mbajtur bizneset e tyre hapur.
“Garancitë, ekuivalente me 614 miliardë dollarë, ishin thjesht “për fillestarët”. Ne premtuam se nuk do të dështojmë për shkak të mungesës së parave dhe vullnetit politik. Kjo do të thotë se asnjë kompani e shëndetshme, asnjë punë nuk duhet ta gjejë veten në telashe. Ne do t’i rimarrim armët nëse është e nevojshme”, tha Ministri i Ekonomisë Peter Altmaie
Kancelarja Merkel tha se do të zbatohet çdo lloj mase që do të duhet për të zbutur krizën e Coronavirusit, madje duke prishur edhe balancën e buxhetit gjerman.
Është një situatë e jashtëzakonshme, ne do të bëjmë atë që është e nevojshme dhe për fat të mirë Gjermania është relativisht e fortë … ne do të bëjmë atë që mundemi për ta kaluar mirë këtë situatë dhe do ta shohim në fund të asaj ku qëndron buxheti ynë”.
Ditën e sotme, Merkel nëpërmjet një video-mesazhi iu ka bërë thirrje qytetarëve të reduktojnë sa më shumë kontaktet me njëri-tjetrin.
“Është koha kur të gjithë mund të dëshmojmë sesa mendojmë dhe sa bëjmë edhe për tjetrin”, tha ndër të tjera Kancelarja në video-mesazhin e saj.
https://www.facebook.com/dw.shqip/videos/769335303473465/
Deri tani në mbarë botën janë regjistruar 157,188 të infektuar dhe 5,839 viktima teksa shtetet e prekura po përpiqen të pengojnë epideminë e Coronavirusit.
