Italia vijon të dridhet nga COVID-19 teksa ka shkuar në 463 numri i viktimave, ndërsa mbi 8000 persona janë infektuar.
Së fundmi, Konsullja Shqiptare në Milano të Italisë, Anila Pojani, në një lidhje telefonike për emisionin ‘Real Story’ ka konfirmuar faktin se në Itali ka ndërruar jetë edhe një shqiptare me origjinë nga Durrësi, teksa bën me dije se edhe familjarët e të ndjerës janë për momentin në karantinë.
Bëhet fjalë për shtetasen e identitikuar si Qamile Shera, 55-vjeç, e cila jetonte në lagjen nr.10 në Durrës.
Shera vuante nga diabeti dhe kishte shkuar në shtetin fqinj për tu kuruar, sepse atje ndodhej e bija e cila ishte martuar me një Italian, nga i cili viktima ka marrë virusin.
“Kemi konstatuar se qytetarja nga Durrësi ka ndërruar jetë për shkak të një arresti kardiak dhe ka rezultuar pozitive me koronavirus. Dokumentacioni zonjës ka mbërritur sot në Konsullatë. Djali, vajza dhe bashkëshorti i të ndjerës janë të gjithë në karantinë. Ceremonia mortore është pezulluar, për shkak të situatës. Të gjithë viktimat janë në morget përkatëse. Ky virus u përhap shpejt dhe ishte i panjohur. Masat parandaluese këtu në Shqipëri u morën shumë shpejt, u pezulluan aktivitetet sportive, kulturore, u mbyllën muzetë, teatrot etj”, tha Pojani.
Trupi i 55-vjeçares ndodhet në morg në Itali dhe pritet të kthehet në atdhe të enjten, për tu përcjellë për në banesën e fundit.
Pojani tha se situata në vendin fqinj është e rëndë, duke vlerësuar se në Itali janë mbi 8000 persona të prekur nga Coronavirusi dhe ka rreth 450 viktima deri në këto momente.
“Nga të dhënat e Drejtorisë të Emergjencave Civile flitet se në Itali janë mbi 8000 të prekur, nga të cilët rreth 800 janë të shëruar dhe rreth 450 kanë ndërruar jetë, të gjithë në moshë të thyer dhe me probleme të mëhershme. Nuk jepen të dhënat për kombësinë ndaj personit dhe jo tepër të dhënat, pasi bëhet fjalë për rast ku nuk mund të thuhet se është problem kombësie. Zona e Kuqe janë zona ku ka më shumë të prekur. Në momentin që flasim, gjithë zona e Lombardisë, por edhe në Rimini etj ka rreth 200 mijë shqiptarë. Rreth 92 mijë shqiptarë janë në Lombardia dhe nuk ka të dhënë për shqiptarët e prekur, pasi nuk jepen të dhëna. Shqiptarë të raportuar të prekur nga koronavirusi nuk ka”, tha Pojani.
Ndërkohë, në vendin tonë janë shënuar dy rastet e para, që sollën marrjen e një sërë masash.
Ministria e Arsimit ka pezualluar procesin mësimor për dy javë, si dhe janë anuluar të gjitha aktivitetet publike deri më 3 prill.
Ministrja e Arsimit: “Mësimi do zhvillohet në klasa virtuale, provimet e maturës nuk shtyhen”
Ndërkohë, edhe ministrja e Shëndetësisë Ogerta Manstirliu doli në një konferencë për shtyp, ku dha detaje rreth masave të marra.
Emergjenca Koronavirs/ Manastirliu: “Pezullohen operacionet e planifikuara”
