Bëhet me dije se katër pacientë nga Skrapari dhe Berati janë nisur drejt QSUT-së Tiranë mbrëmjen e sotme sepse kanë shfaqur simptoma, si temperaturë të lartë dhe bllokim në frymëmarrje.
Bëhet fjalë për një çift nga Skrapari, 45 dhe 47 vjeç, si dhe fqinjën e tyre, një 22-vjeçare që kishte disa ditë që ishte kthyer nga Italia.
Ata kanë qenë të tre me temperaturë të lartë dhe bllokim në rrugët e frymëmarrjes, teksa lajmi është bërë i ditur për Balkan Web nga një infermiere e spitalit të Skraparit, e cila është kërcënuar së bashku me infermierët e tjerë nga drejtuesit e spitalit që të mos tregojnë në lidhje me rastet.
Ndërkohë, edhe personi i katërt , i cili kishte qenë i shtruar në Spitalin Rajonal të Beratit ka qenë nga qyteti i Skraparit.
Lajmi është bërë i ditur nga drejtoresha e Spitalit të Beratit, Edlira Shkëmbi, e cila ka pohuar se rasti me temperaturë të lartë dhe vështirësi në rrugët e frymëmarrjes, dhe është nisur drejt QSUT.
Ndërkohë, në vendin tonë janë shënuar dy rastet e para, që sollën marrjen e një sërë masash.
Ministria e Arsimit ka pezualluar procesin mësimor për dy javë, si dhe janë anuluar të gjitha aktivitetet publike deri më 3 prill.
Ministrja e Arsimit: “Mësimi do zhvillohet në klasa virtuale, provimet e maturës nuk shtyhen”
Ndërkohë, edhe ministrja e Shëndetësisë Ogerta Manstirliu doli në një konferencë për shtyp, ku dha detaje rreth masave të marra.
Emergjenca Koronavirs/ Manastirliu: “Pezullohen operacionet e planifikuara”
