Coronavirusi nuk ndalet në Itali, ku ka shënuar viktimën e 11, teksa janë prekur të paktën 322 persona të tjerë.
Viktima e 11-të është një grua 76-vjeçare, ndërkohë që gjatë orëve të fundit janë ndarë nga jeta edhe tre të moshuar.
240 raste dhe 9 viktima janë në Lombardi, 43 raste dhe dy të vdekur në Veneto, 26 raste në Emilia Romagna, 3 në Piemonte, 3 në Lazio, 3 në Siçili, 2 në Toskanë, një në Alto Adige dhe një tjetër në Liguria.
Lajmet për përhapjen e shpejtë të virusit ndryshojnë nga ora në orë, por deri më tani raportohet për mbi 2700 të vdekur në gjithë botën dhe mbi 80 mijë të prekur.
Situata duket problematike edhe në Korenë e Jugut, ku janë rreth 1000 të prekur, por viktima janë shënuar edhe në Austri e Kroaci.
Ditën e djeshme OBSH ngriti alarmin se jemi në prag të një pandemie, ndërsa së fundmi, mediat e huaja shkruajnë se një kompani farmaceutike nga Cambridge, Massachusetts, pretendon se është afër krijimit të vaksinës kundër Coronavirusit.
Kompania amerikane gati vaksinën kundër Coronavirusit, por nuk del në treg para vitit 2021
Fatmirësisht, në vendin tonë nuk raportohet për asnjë të prekur teksa së fundmi, Komitetit Teknik i Ekspertëve zhvilloi një mbledhje me fokus masat paraprake për parandalimin dhe përhapjen e Coronavirsuit.
Bëhet me dije se Ministria e Shëndetësisë dhe Mbrojtjes Sociale ka rialokuar një fond shtesë prej 1 milion dollarësh në buxhetin e spitaleve, që do përdoret për rritjen e stokut aktual të mjeteve të mbrojtjes personale.
Ministria e Shëndetësisë rialokon një fond prej 1 milion dollarësh për mbrojtjen nga Coronavirusi
