Naftëtarët e Ballshit kanë hyrë në ditën e dytë të grevës së urisë.
Ata kërkojnë nga kompania, që t’i japë 5 rrogat e prapambetura.
Greva nisi ditën e djeshme dhe po zhvillohet në një nga mjediset e qendrës shëndetësore të uzinës së naftës.
Naftëtarët janë shprehur, se greva e tyre do të vazhdojë derisa t’u jepen rrogat e prapambetura.
Ditën e djeshme naftëtarët hodhën poshtë propozimin e kompanisë, e cila u kishte ofruar kontrata të reja punë, por pa shlyer pagat e prapambetura.
Ata kanë zhvilluar edhe disa protesta përpara prefekturës së Fierit, por nuk kanë marrë dot zgjidhje.
Ndërkohë vetëm pak km më larg po zhvillohet greva e punëtorëve të nënstacionit të Pompimit të Poçemit, të cilët nuk janë paguar prej 27 muajsh.
Tashmë kur greva e tyre ka hyrë në ditën e gjashtë, disa prej punëtorëve kanë shfaqur probeleme shëndetësore.
