Më 31 janar u miratua paket “Anti-Kap Çfarë të Kapësh”.
Menjëherë u raportua se Policia e Tiranës ka gati listën me 250 subjektet e para ku do ndërhyjnë.
Së fundmi, sipas Report TV ‘goditjet’ e para nga Njësia Speciale Operacionale Forca e Ligjit do nisin në Tirana, Vlorë, Shkodër, Durrës, Elbasan, Fier dhe Korçë.
Në këto qytetet janë identifikuar mbi 60 pasuri që arrijnë vlera nga 200 mijë euro e deri në 10-15 milion euro me prejardhje nga aktivitetet kriminale, të drogës, prostitucionit dhe evazionit fiskal.
Siç raportohet shumica e këtyre pasurive i përkasin adoleshentëve dhe personave 70-75 vjeç, të cilët të ardhur kanë vetëm pensionin por rezultojnë milioner duke mos justifikuar shpenzimet e kryera në këto investime.
Këto kompani të verifikuara më herët shtrihen në fushën e ndërtimit, shërbimeve, hidrosanitareve, hoteleri turizëm dhe linjat e transportit të udhëtarëve.
Kujtojmë se ligji parashikon hetimin e 91 krimeve të parashikuara në Kodin Penal, nga vjedhja me armë, tek droga, grupi i strukturuar kriminal, vrasja, falsifikimet, plagosja, rrëmbimi, prostitucioni, terrorizmi, korrupsioni i çdo zyrtari publik e deri tek krimi zgjedhor.
Ai është kundërshtuar nga 12 organizata, por BE dhe SHBA janë shprehur optimiste, duke mbështetur qeverinë.(Lexo këtu)
