Në një konferencë për shtyp, Drejtori i Përgjithshëm i Organizatës Botërore të Shëndetit, Tedros Adhanom, tha se deri më tani nuk ka pasur vdekje jashtë Kinës.
Por, bëri me dije se ka pasur 98 raste të coronavirusit në 18 vende, duke përfshirë tetë raste të transmetimit nga njeriu te njeriu në katër vende: Gjermani, Japoni, Vietnam dhe SHBA.
Ndërkohë, është konfirmuar rasti i parë i përhapjes së coronavirusit në SHBA.
Një burrë në Çikago është infektuar pasi gruaja e tij udhëtoi në Kinë.
Ai ka rezultuar me coronavirus pas testit të kryer, sipas Qendrës për Kontrollin dhe Parandalimin e Sëmundjeve.
Ndërkohë, gruaja e tij mbetet në izolim në Qendrën Mjekësore St. Alexius në periferinë e Çikagos.
Po ashtu, janë konfirmuar edhe dy raste në Itali.
Rastet janë pranuar nga kryeministri italian Giuseppe Conte dhe janë konstatuar në Romë.
Dy të prekurit janë në spitalin Spallanzani në Romë dhe janë turistë kinez.
“Ne kemi dy raste të konfirmuara për herë të parë të Koronavirus në Itali. Ata janë dy turistë kinezë dha kanë në vendin tonë për disa ditë”, njoftoi kryeministri në një konferencë për shtyp.
Ndërkohë, sot Organizata Botërore e Shëndetësisë ka shpallur emergjencë globale për përhapjen e shpejtë të koronavirusit.
