Deputetët e opozitës së re kanë bllokuar foltoren në Kuvendin e Shqipërisë, duke bërë që seanca të ndërpritet për pak çaste.
Shkak është bërë kryesuesja e seancës, deputetja e PS-së, Vasilika Hysi, pasi i ka ndërprerë fjalën deputetit Myslim Murrizi.
Punonjësit e gardës janë afruar pranë foltores, ndërkohë që fjala iu dha Ministres Etilda Gjonaj për të prezantuar amnistinë për gratë.
“Po ça të flas unë, do ta prezantojë ajo, ça të flas unë, opingat”- dëgjohet të thotë Murrizi.
Pas kësaj, deputetet Halit Valteri dhe Ralf Gjoni kanë rrethuar foltoren, duke mos lejuar zhvillimin normal të seancës, e cila rinisi vetëm pas pak çastesh.
