Kuvendi është tërhequr ditën e sotme nga votimi i paketës “Anti-shpifje”.
Kreu i Grupit të PS, Taulant Balla, tha se për këtë çështje do t’i kërkohet opinion Komisionit të Venecias, e cila do ta diskutojë më 21 mars paketën, me procedurë të përshpejtuar.
Në lidhje me vendimin e mazhorancës, ka reaguar edhe ambasadori i BE në vendin tonë, Luigi Soreca.
Ky i fundit ka mirëpritur vendimin e mazhorancës.
Gjithashtu ai ka inkurajuar autoritetet, që të adresojnë shqetësimet e organizatave të mediave dhe komunitetit ndërkombëtar.
Reagimi i Sorecës
Ne e mirëpresim vendimin e mazhorancës në pushtet për të shtyrë votimin për Ligjin për audiot vizive. Ne mezi presim mendimin e Komisionit të Venecias dhe inkurajojmë autoritetet të adresojnë shqetësimet e mbetura të organizatave të mediave dhe komunitetit ndërkombëtar.
Paketa “Anti-shpifje” u rikthye për rishikim në Kuvend nga presidenti Ilir Meta.
Ky i fundit e ka konsideruar vendimin e mazhorancës një lajm të mirë.
