Një plagosje me armë zjarri është regjistruar mëngjesin e sotëm në fshatin Kopaçëz në Delvinë.
Sipas policisë, K.N. ka plagosur në orët e para të mëngjesit me armë zjarri në këmbë, shtetasin M.D. 48 vjeç, banues në Mirditë.
Ky i fundit ndodhet në spital jashtë rrezikut për jetën.
Sapo morën njoftimin, forcat e policisë shkuan në vendngjarje dhe arrestuan 73-vjeçarin.
Gjithashtu u bllokua edhe arma e zjarrit tip “Kallashnikov”.
Grupi hetimor ndodhet në vendngjarje dhe po punon për zbardhjen e rrethanave.
Materialet proceduriale i kaluan prokurorisë për veprime të mëtejshme.
