Coronavirusi po mban në ankth të gjithë botën.
Deri më tani kanë ndërruar jetë 132 persona dhe mbi 6 mijë janë prekur kryesisht në Kinë dhe në shumë vende të tjera të botës.
Ka shumë ekspertë që aludojnë se në fakt numri i të prekurve është shumë më i madh.
Në këto kushte Instituti i Shëndetit Publik u ka bërë thirrje shtetasve shqiptarë që të kenë kujdes.
Ndonëse në vendin tonë nuk raportohet për asnjë të prekur nga virusi, duhet që të marrim disa masa parandaluese.
Një ndër këto masa sipas ISHP-së është edhe higjena.
Në faqen e ISHP-së, thuhet se duhet t’i lani shpesh duart me ujë dhe sapun ose pastruar ato duke i fërkuar me pastrues me bazë alkooli.
Po ashtu, këshillohet:
- Lani duart sa më shpesh, para ushqimit apo pas ushqimit, pas prekjes së kafshëve.
- Kur kolliteni mbani një pecetë ose mbuloni fytyrën me parakrah.
- Lani duart kur kujdeseni për persona të sëmurë ose edhe kur tështini.
- Pini sa më shumë ujë.
- Shmangni kontaktet me personat me temperaturë dhe kollë.
- Shmangni sa më shumë qëndrimin në vende publike dhe të mbipopulluara.
