Shqiptari Mihallaq Boraku, 49 vjeç, është arrestuar ditën e sotme në Itali.
Ai kishte 20 vite në arrati, pasi ishte dënuar dy herë për trafik droge nga gjykatat në Cuneo dhe Siena.
Boraku është ndaluar në vitin 1998 në Bra, ku jetonte dhe kishte ndërtuar një rrjet të trafikut të drogës nga Shqipëria në Puglia, duke e transportuar më pas në Piemonte.
Gjatë operacionit në 1997, u sekuestruan 200 kilogramë marihuanë.
Lënda narkotike po transportohej me një kamion, i cili zyrtarisht ishte i ngarkuar me peshk dhe produkte ushqimore të tjera.
Pas arrestimit, pas 2 dekadash , shqiptari u dënua me 8 vite e 4 muaj burg.
49 vjeçari do vuaj dënimin në burgun e Secondigliano.
