Një çift kinezësh që mbërritën në Shqipëri nëpërmjet portit të Durrësit, i janë nënshtruar kontrolleve mjekësore.
Sipas “Ora News”, ndalimi i tyre për t’i kontrolluar për mundësinë e infektimit nga koronavirusi, është kryer të shtunën.
Nga kontrolli rezultoi se ata nuk ishin të infektuar dhe më pas u lanë të lirë.
Mësohet se kinezët kishin 3 muaj që udhëtonin nëpër Europë, përpara se të vinin në Shqipëri.
Deri më tani koronavirusi ka marrë 106 jetë njerëzish në Kinë, ndërsa mbi 4500 janë të infektuar.
Në Europë janë shënuar tre raste në Francë, një në Itali dhe një në Gjermani.
Autoritetet kineze shprehen, se virusi ka ardhur si pasojë e konsumimit të supës me lakuriq nate ose mishit të gjarprit.
Ndërkohë ekspertët izraelitë, kanë dalë në konkluzionin, se në qytetin ku shpërtheu virusi po prodhoheshin armë biologjike.
