Familjet mafioze shqiptare duket se kanë gjetur një mënyrë të mirë të pastrimit të parave dhe kjo e dhënë na vjen nga mediat serbe. Ato thonë se deri më tani shqiptarët kanë pastruar më shumë se 1.5 miliardë euro në tregun e pronave të patundshme në Serbi vetëm në 10 vitet e fundit, pra po flasim për shuma parash të konsiderueshme.
Ditën e djeshme Kurier ka botuar një shkrim të ploë ku shpegon se mafia shqiptare është kthyer në një nga aktorët kryesor që ka ndërtuar skemat e pastrimit të parave të krimit të organizuar”, të ardhura të përfituara kryesisht nga trafiku i drogës dhe armëve”.
Ish-drejtori i policisë së Beogradit Marko Nicovic thotë se “trafikantët shqiptarë kanë pastruar rreth 80 deri në 100 milionë euro në vit në këtë vend duke blerë toka, pasuri të patundshme dhe ndërtuar godina përmes të ashtuquajturve biznesmenë serbë”.
“Në këto transaksione, si rregull, shqiptarët nuk shfaqen asnjëherë. Kjo funksionon me anë të personave të tjerë. Ai thotë se shqiptarët përdorin persona me emra si psh Petar Petrovic nga Mynihu i cili shërben si fasadë. Investimet më të mëdha të tyre janë në jug dhe juglindje të Serbisë” – thotë Nicovic, transmeton B92.
Gjithashtu Nicovic ka thënë se klanet shqiptare kanë përdorur të njëjtat skema për të investuar paratë në zona turistike pranë detit Adriatik, duke përfshirë këtu edhe Kroacinë, Malin e Zi dhe Bosnjë Herzegovinën.