Edhe Greqia, ashtu si Shqipëria, është pushtuar nga një valë largimesh të të rinjve.
Pas krizës ekonomike që po kalon vendi, ata po largohen në kërkim të mundësive të reja.
Por, shteti grek, ndryshe nga ai shqiptar, ka vendosur të ndërmarrë masa parandaluese.
Me një thirrje gati dëshpëruese: “Ju lutem, kthehuni!”, – qeveria iu drejtohet të rinjve që të mos largohen nga vendi.
Madje, për t’i inkurajuar që të kthehen ajo ka krijuar një skemë të quajtur “Rebrain Greece” duke u ofruar rroga mujore rreth 3000 euro në muaj.
Ky bonus do iu jepet 500 të rinjve, të cilët rezultojnë si më të mirët dhe kostoja do mbulohet në masën 70% nga ministria e Punës.
Më shumë se 500.000 persona u larguan nga Greqia gjatë periudhës së krizës.
Kjo solli tkurrjen e ekonomisë me 25% , ndërsa vlera e papunësisë kapin shifrën 28%.
Në 2050, sipas studimeve, pritet që popullsia greke të tkurret me 800 000 deri në 2.5 mln, ku një në 3 persona do të jetë mbi 65 vjeç.
Por, edhe për këte dukuri është marrë një masë.
Qeveria greke ka ofruar bonuse financiare prej 2000 euro për çdo lindje.
Edhe vendi ynë pritet të shkojë në të njëjtën rrugë me vendin fqinj sa i takon plakjes së popullsisë.
