Gjykata e Tiranës ka pushuar çështjen ndaj ish-Drejtorit të Burgjeve, Arben Çuko.
Ky i fundit ka qenë edhe ish-deputet i Partisë Socialiste.
Çuko u arrestua në kuadër të operacionit “Vol-vo 4”, pasi doli në përgjimet e grupit të Avdylajve.
Vetëm pak muaj më parë, gjykata ndryshoi masën e sigurisë nga “Arrest me burg” në “Arrest shtëpie”.
Gjykata ktheu dosjen e tij më 16 korrik të 2019-ës për plotësim hetimesh, me pretendimin se hetimet e deritanishme ishin të paplota dhe me mangësi në drejtim të provave.
Arben Çuko akuzohet se favorizoi një të dënuar, për të lëvizur nga një burg në një tjetër.
Gjithashtu kishte dyshime se shoferi i tij mori një shumë parash, për të lehtësuar kushtet e një të dënuari.
Çuko ka qenë anëtar i Komisionit të Sigurisë, Komandant i Gardës së Republikës dhe këshilltar i Kryeministrit të Kosovës për Sigurinë.
