Tiranë- Aksidenti i parë me pasojë vdekjen për 2020 është regjistruar në kryeqytet.
Dy makina janë përplasur në zonën e quajtur ‘Xhamlliku’.
Sipas Report Tv, si pasojë e këtij aksidenti kanë humbur jetën një burrë dhe një grua, rreth 45 vjeç.
Një automjet me drejtues E. L, është përplasur me automjetin me drejtues E. M
Dy viktimat po kalonin rrugën pranë vijave të bardha ku më pas janë goditur nga njëra prej makinave të përfshira në aksident.
Identitetet e tyre nuk dihen ende.
Në vendngjarje kanë mbërritur forcat e policisë dhe ambulanca.
Dyshohet se shkak i këtij aksidenti është shpejtësia tej normave të lejuara.
NJOFTIMI I POLICISË
Rreth orës 15:15 në rrugën “Xhanfize Keko” automjeti me drejtues E. L, është përplasur me automjetin me drejtues E. M. Si pasojë e përplasjes janë përshirë në aksident dhe dy këmbësor të cilët kanë ndërruar jetë në vendngjarje.
Dy drejtuesët e automjeteve E. L dhe E. M janë shoqëruar në komisariat për veprime të mëtejshme hetimore. Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe identifikimin e dy shtetasve që ndërruan jete.
