Policia italiane arrestoi një shqiptar, i cili kërkohej nga policia belge pasi akuzohet se drejton një rrjet trafikimi të qenieve njerëzore.
Sipas mediave të huaja, ai drejtonte një rrjet trafikantësh shqiptarë, që dërgonin njerëz nga Afrika dhe Azia drejt Europës, në veçanti drejt Britanisë së madhe.
Pasi policia e kishte zbuluar, kishte lëshuar një urdhër-arresti, por shqiptari ishte zhdukur.
Megjithatë, para pak kohësh u zbuluan përsëri gjurmë të tij.
Efektivët e policisë zbuluan faktin se ai kishte një të dashur në Itali, pranë Sienës.
Kështu, karabinierët vunë nën mbikëqyrje vajzën, duke pritur momentin që shqiptari të shfaqej.
Të shtunën 29-vjeçari vizitoi të dashurën e tij, por njëkohësisht ra edhe në duart e policisë.
Ai rrezikon 20 vite burg në Belgjikë.
