TIRANË– Një karburant në Kombinat është përfshirë nga flakët mbrëmjen e sotme.
Ngjarja ka ndodhur në rrugën “Llazi Miho”, përball Komisariatit numër 6, rreth orës 19:00.
Dyshohet se ngjarja ka qenë aksidentale, si pasojë e një defekti teknik në sistemin e gazit.
Fatmirësisht, deri më tani nuk raportohet për persona të lënduar.
Lajmi është bërë i ditur nga policia, e cila ndodhet në vendngjarje, për hetimin e plotë të rrethanave.
Ajo mori masa duke vendosur perimetrin e sigurisë e largimin e të gjithë qytetarëve nga perimetri i sigurisë, si dhe bllokimin e aksit rrugor duke i menaxhuar e drejtuar për në akse të tjera lëvizjeje.
NJOFTIMI I PLOTË:
“Rreth orës 18:46 në rrugën “Llazi Miho”, në një karburant, ka shpërthyer dhe ka marrë flakë një bombol gazi që shërbente për furnizimin me gaz të automjeteve ku si pasojë ka veç dëme materiale.
Menjëherë pas njoftimit të marrë për ngjarjen, forca të shumta policie dhe disa zjarrfikëse shkuan në vendngjarje, ku Zjarrfikëset po bëjnë të mundur fikjen e plotë të zjarrit duke shmangur plotësisht rrezikun e përfshirjes së mëtejshëm të tij.
Policia mori masa duke vendosur perimetrin e sigurisë e largimin e të gjithë qytetarëve nga perimetri i sigurisë, si dhe bllokimin e aksit rrugor duke i menaxhuar e drejtuar për në akse të tjera lëvizjeje.
Paraprakisht, dyshohet se ngjarja ka qenë aksidentale, ndodhur nga një defekt teknik në sistemin e gazit.
Grupi hetimor ndodhet në vendngjarje, ku po vijon punën për sqarimin e plotë të rrethanave të ngjarjes për hetimin e plotë të rrethanave të ngjarjes.”
