Bashkia e Lezhës ka miratuar buxhetin për vitin e ardhshëm.
Mirëpo, nuk është parashikuar asnjë fond për rindërtimin e objekteve të dëmtuara nga tërmeti i 26 nëntorit.
Njëri prej këshilltarëve, Agustin Marku, e ka kundërshtuar këtë vendim:
“Të miratohet një buxhet sot dhe të justifikohet se do të shohim tepricat e vitit dhe të mos futet kolonë e veçantë, program i veçantë çështja e rindërtimit mua më duket buxhet pa sens.“- ka thënë ai.
Por, sipas kryebashkiakut të Lezhës, Pjetër Ndreu, ata duhet të presin vendimin e qeverisë për ndarjen e fondeve:
“Nuk mund të planizojmë veprime financiare për një gjë që akoma nuk është qartësuar ligjërisht çfarë do të bëjmë ne dhe çfarë do të bëjë qeveria, cila do të jetë pesha që do të mbajmë ne dhe cila është pesha që do të mbajë Ministria e Rindërtimit”.
Buxheti i vitit 2020 i Bashkisë Lezhë ka vlerën e rreth 1.8 miliardë lekë, prej të cilave vetem 400 milion janë zë konkret për investime.
Ndërhyrjet do të jenë kryesisht në fondin e shërbimeve publike
Ndërkohë, Bashkia e Durrësit e ka miratuar fondin e rindërtimit.
