Një 65-vjeçar në Colorado ka bërë vjedhjen më të pazakontë.
Pasi grabiti bankën ai hodhi paratë në ajër, duke bërtitur “Gëzuar Krishtlindjen”.
David Wayne Oliver 65 vjeç, u arrestua pak më vonë teka po qëndronte i ulur pranë një dyqani kafeje “Starbucks”.
Sipas policisë, Oliver nuk përdori armë, për të kryer grabitjen.
Një dëshmitar okular tha se Oliver hodhi në ajër paratë sapo doli nga banka, duke bërtitur “Gëzuar Krishtlindjen”.
Për momentin ai ndodhet në burgun “El Paso” në pritje të seancës gjyqësore, që do të zhvillohet të enjten.
