Adrian Shtuni, ekspert për marrëdhëniet ndërkombëtare, ka folur mbi shqiptarët e rekretuar në Siri.
Sipas tij, ata kanë krijuar një mini-ushtri, ku krijohen strategji dhe operacione të ngjashme me strukturën e Al Khaedës.
Sipas tij, janë 1070 individë nga Ballkani që kanë shkuar për të luftuar në Siri, ku 2/3 janë me etni shqiptare.
“Ka një lëvizje të madhe të popullsisë në një kohë shumë të vogël dhe pjesa më e madhe e tyre, 2/3 janë me etni shqiptare. Shqiptarët kanë njësinë e vetme etnike që operon në Siri pra kanë mini-ushtrinë e tyre, kanë një njësi ushtarake që është e strukturuar që nga maja e lidershipit që ndjek operacionet dhe merr vendim strategjike si dhe luftëtarët. Ky komandat është nga Maqedonia e Veriut, por këta në fakt nuk janë duke luftuar me Shtetin Islamik, por janë pjesë e strukturave të afërta me Al Kaeda dhe janë aktiv në zonën e Idlibit në veri-perëndim të Sirisë.”
Ai u bëri thirrje institucioneve të tregohen të kujdesshme, të kuptojnë se pse ndodhi kjo gjë si dhe të mos cenojnë sigurinë.
Shtuni tha se Shqipëria është i vetmi vend në rajon që nuk ka bërë riatdhesimin e shtetasve të saj, ndryshe nga Bosnja, Kosova apo Maqedonia e Veriut.
“Shqipëria është i vetmi vend në Rajon i cili nuk ka bërë riatdhesim të qytetarëve të saj. Bosnja ka bërë, Kosova po ashtu edhe Maqedonia e Veriut. Forcat amerikan kanë ndihmuar që njerëzit të tërhiqen nga Siria, është e vështire, por jo e pamundur. Dhe Shqipërisë i është dhënë një mundësi e tillë, por për shkak të vendimeve politike nuk është bërë. Nuk po diskutojnë këtu nëse këto janë vendim të duhura apo jo. Sa më tepër ata njerëz do të rrinë në ato kampe, aq më tepër ata do të radikalizohen, prandaj duhet një ndërhyrje më e shpejtë për t’i atdhesuar. Fëmijët duhet të jenë prioritet për t’i kthyer. Ata do te jenë luftëtarët e ardhshëm, nëse nuk kthehen në kohë”- u shpreh Shtuni.
Alvin Berisha është ndër rastet më të bujshme nga kampi sirian.
Ai u rekrutua nga nëna e tij në Siri.
Me ndërhyrjen e mediave italiane Alvini srriti të shpëtohej.
