Reshjet e dendura të shiut kanë shkaktuar përmbytje në disa akse rrugore të Durrësit, kryesisht në kryqëzime.
Zonat më problematike janë paraqitur:
-kryqëzimi pranë stadiumit ”Niko Dovana”
-rrethrrotullimi pranë stacionit të trenit
-zona e plazhit
-ish-këneta
– Shkozeti.
Por, intensiteti i lartë i rreshjeve nuk është arsyeja e vetme e kësaj problematike.
Bllokimi i kanaleve dhe pusetave nga inertet dhe mbeturinat e ndryshme është një tjetër shkaktar.
Këto përmbytje kanë sjellë vështirësi në qarkullimin e mjeteve dhe këmbësorëve.
Situata problematike e kushteve atmosferike u paralajmërua mbrëmjen e djeshme nga Drejtoria e Përgjithshme Detare në Durrës, e cila kërkoi edhe marrjen e masave nga subjektet detare.
