Faqet zyrtare Online të Autoritetit të Mediave Audiovizive dhe të Autoritetit të Komunikimeve Elektronike dhe Postale kanë rënë pré e një sulmi kibernetik nga Anonymous Albania.
Kjo e fundit është një faqe hakerash shqiptarë të paidentifikuar, që kanë bllokuar këto faqe për disa orë.
Kanë qenë vetë administratorët e Anonymous, të cilët nëpërmjet një postimi në Facebook kanë bërë të ditur lajmin.
Ata shkruajnë se shkaku që i shtyu drejt këtij vendimi ishte paketa “Anti-shpifje”, të cilën nuk e mbështesin.
Faqja e AMA-së është hapur disa orë më vonë, ndërsa ajo e AKEP-it vijon të jetë e mbyllur.
