Ekspertët kanë reaguar lidhur me tërmetin e 26 nëntorit.
Në një prononcim për Zërin e Amerikës ata kanë kritikuar strukturat e emergjencës, duke thënë se në fakt ndihma e parë është dhënë nga qytetarët.
Ish-drejtuesi i Emergjencave Civile, Shemsi Prençi, ka shprehur kritikën e tij kundrejt institucionit që ka drejtuar, duke e konsideruar një katraurë :
“Është bërë katraura më e madhe në mbrojtjen civile. Sepse mbrojtja civile dhe sistemi i saj u shkërmoqën. Drejtoria e përgjithshme e emergjencave civile kaloi në Ministrinë e Mbrojtjes, ndërkohë prefektët u lanë në Ministrinë e brendshme. Drejtoria e përgjithshme e Shërbimit zjarrfikës u la në Ministrinë e Brendshme, dhe kështu gjithë sistemi u shkërmoq”, pohon ai.
Gjithashtu edhe një qytetar nga Durrësi Isa Myzyraj me profesion gazetar, sjell eksperiencën e tij personale nga tërmeti duke thënë se ndihmën e parë e ka marrë nga qytetarët.
“Kam arritur në një pallat ku banorët kërkonin ndihmë për të dalë jashtë, ishin bllokuar, pallati nga brenda kishte rënë i gjithi. Forcat e huaja dhe ato kosovare, në raport me forcat tona operacionale janë identifikuar që tek kokorja. Ato ishin pajisur me qen që ishte shumë e rëndësishme, me dorashka, me syze dhe me mjete prerëse”, shprehet Isa Myzyraj.
Tërmeti i 26 nëntori ishte ndër më shkatërrimtarët e viteve të fundit. Prej tij humbën jetën 51 banorë dhe rreth 900 mbetën të plagosur. Ndërkohë mijëra të therë kanë mbetur pa banesa pas dëmtimeve të banesave në qarkun e Durrësit, Lezhës dhe Tiranës.
